Облыста коронавирустың алғашқы оқиғасы тіркелген сәттен бастап, КВИ-ның 21 мың жағдайы анықталды, оның 32%-ында вирустың симптомсыз түрі болды.

Қазіргі уақытта коронавирус инфекциясы бойынша эпидемиологиялық жағдайды тұрақты деп сипаттауға болады, аурудың орташа өсуі 0,2% құрайды.

-   Covid-19 жағдайы тұрғындар денсаулығын сақтау, инфекцияның таралуын бәсеңдету және аурудың күрт өсуіне жол бермеу міндетін алға тартты. Уақтылы және сапалы медициналық көмек көрсету үшін 41 инфекциялық стационар жұмыс істейді, толық медициналық жабдықталған 6288 төсек-орын ұйымдастырылды, - дейді ШҚО әкімі Даниал Ахметов.

КВИ алғашқы жағдайы тіркелген сәттен бастап төсек-орын саны 12 есеге, ал реанимациялық төсек-орын саны 11 есеге артты.