28 ақын Ақсуатта айтысады. Бұл жаңалықты айтыс жанашыры, кәсіпкер Дулат Тастекеев өзінің әлеуметтік желідегі парақшасында жариялады.

- Оралда 14 ақын жеребе таңдау арқылы жұптасып өнер көрсетті, қазылар алқасының шешімімен 10 ақын 28-29 тамыз күндері Шығыс Қазақстан облысы, Ақсуат ауылында өтетін финалдық сайыстың жолдамасын иеленді, - деді Дулат Тастекеев. 

Атап айтқанда, Бауыржан Ширмединұлы (Батыс Қазақстан облысы), Абзал Мақаш (Қарағанды облысы), Нұрзат Қару (Қызылорда облысы), Еркебұлан Қайназаров (Нұр-Сұлтан қаласы), Қанат Мырзахан (Жамбыл облысы), Ершат Қайболдин (Ақтөбе облысы), Айтбай Жұмағұлов (Қарағанды облысы), Ринат Зайтов (Алматы қаласы), Серік Қуанған (Шығыс Қазақстан облысы), Тілеген Әділов (Қарағанды облысы) аламан айтыста бақ сынамақ.