Күршім ауданындағы Маралды ауылынан Үшбұлаққа дейінгі жол бұрын облыс бойынша көлік қатынасы үшін аса қауіпті жолдардың бірі саналатын. Биыл жазда Маралды - Үшбұлақ бағытындағы 21 шақырымдық жол толық жөндеуден өтті, деп хабарлайды Altainews.kz тілшісі.

Бұрын осы жолдың қауіптілігінен ауылдың мал дәрігерлері көлікпен өзенге құлап, қайғылы жағдайға тап болған еді. Биыл көктемде толассыз жауған жауыннан кейін Маралды - Үшбұлақ жолының 12-ші шақырымында тау етегі сырғып, төмендегі жолды басып қалған болатын.

Округке Маралды, Қыстаукүршім, Үшбұлақ ауылдары кіреді. Қазір Үшбұлақ жақта көмірдің тоннасы 33-34 мың теңгеден сатылып жатыр. Жолдың жөнделуі Маралды ауылдық округі тұрғындарының қысқы мал азығы мен отын-суды жеткізуде қиындықсыз қатынауына мүмкіндік беріп отыр.

Жанаргүл Көкенайқызы