Ауыл оқушыларының пәндік олимпиадасының облыстық кезеңі аяқталды
Ауыл мектептері оқушылары арасында жалпы білім беретін пәндер бойынша республикалық олимпиаданың III облыстық кезеңі аяқталып, оған 12 мыңнан астам оқушы қатысты. Олимпиада 93 тірек мектепте, 13 пән бойынша өтті,- деп хабарлайды Altainews.kz тілшісі ҚР Оқу-ағарту министрлігіне сілтеме жасап.
Республикалық кезеңге III кезеңде үздік нәтиже көрсеткен жеңімпаздар (әр пән мен сынып бойынша екі қатысушыдан артық емес) жолдама алды. Оған:
- Жаратылыстану-математикалық бағытта 9-11(12) сынып оқушылары;
- Қоғамдық-гуманитарлық бағытта 10-11(12) сынып оқушылары қатысады.
«Оқу-ағарту министрлігінің бастамасымен өткізілген республикалық пәндік олимпиада ауылдық білім беруді дамытуда маңызды кезеңге айналды. Олимпиада нәтижесінде жеңімпаздар «Дарын» республикалық сырттай мектебіне қабылданып, келесі жарыстарға дайындалатын болады», - деп атап өтті «Дарын» РҒПО директоры Ғаждембек Тұрсынов.
Айта кетсек, олимпиаданың алғашқы кезеңіне 100 мыңнан астам оқушы қатысып, оның 54 мыңға жуығы екінші кезеңге өткен еді. Үшінші кезеңге өткен 12 мың қатысушының ішінен 1088-і республикалық кезеңге жолдама алды.
Оқи отырыңыз
Ауыл мектептерінің оқушыларына арналған II Республикалық пәндік олимпиада басталдыАуыл оқушыларына арналған республикалық пәндік олимпиадаға тіркелу ашылдыШығысқазақстандық оқушылар республикалық олимпиадада топ жардыШҚО-да оқушылар арасында олимпиада өтіп жатырШҚО-да «Мың бала» ұлттық зияткерлік олимпиадасына тіркелу басталды
