Өскемен: 22-ші шағын ауданда тағы 3 учаскеге асфальт төселеді
Облыс орталығында шағын аудандарды дамыту бағдарламасын жүгезе асыру жалғасуда.
Қала әкімі алдағы уақытта әр аудан тұрғындарымен кездесіп, жасалуы керек, қажетті жұмыстарға басымдық бермек, деп хабарлайды Altaynews тілшісі.
– 22-ші шағын ауданның тұрғындарымен кездесу өткіздім. Өткен жылы мұнда Уәлиханов, Жансүгіров және Мәметова көшесінің жартысына асфальт төселіп, жалпы ұзындығы 5,5 шақырым учаскелерде қиыршық тас төгілген болатын, – дейді қала әкімі.
Биыл аталған шағын ауданда тағы 3 учаскенің жолы жөнделмек. Атап айтқанда, Мәметова көшесінің қалған бөлігі, Бөкейханов көшесі, сондай-ақ ЖМК мен Алматы тасжолына шығатын жолға асфальт төселеді.
Сонымен қатар спортпен шұғылдануға арналған футбол алаңы да жабдықталмақ.
Оқи отырыңыз
