Қазақстан полициясы күніне орай "Восток" стадионында Өскемен қаласының ПБ қызметкерлері арасында футбол турнирі өтті.

Тәртіп сақшыларының спорттық қабілеті сынға түскен сайыста басқарманың әртүрлі бөлімшелерінің командалары жарысты, деп хабарлайды Altaynews тілшісі.

Турнирдің ашылуында сөз алған Өскемен қаласы ПБ бастығының орынбасары полиция полковнигі Марат Баяндинов полицейлерді құттықтап, полиция қызметкерінің басты міндетінің бірі – азаматтардың тұрақтылығы мен қауіпсіздігін қамтамасыз ету екенін, ал бұл міндетті орындау тәртіп сақшыларының кәсібилігіне, қызметтік міндеттерін орындауға дайын болуына және денені шынықтыруға байланысты екенін атап өтті.

Турнир жеңімпаздарына медальдер мен кубок табысталды.