Облыс орталығында 22 шілде күні ауыл шаруашылығы өнімдерінің жәрмеңкесі болады, деп хабарлайды Altaynews тілшісі.

«Негізгі азық-түлік түрлерінің бағасын тұрақтандыру мақсатында 22 шілдеде Металлургтер мәдениет сарайының (Назарбаев, 68) жанында ауыл шаруашылығы өнімдерінің жәрмеңкесі болады», - деп мәлімдеді қаланың кәсіпкерлік және ауыл шаруашылығы бөлімі.

Жәрмеңкеде жергілікті кәсіпкерлер мен тауар өндірушілер өнім ұсынады. Іс-шара 8:00-ден 15:00-ге дейін болады.