Өскемендегі көпқабатты үйлердің бірінен өрт шықты
Фото: ШҚО ТЖД баспасөз қызметі
Облыс орталығында Металлургтер көшесіндегі тұрғын үйлердің бірінен өрт шықты.
Қауіпсіздік мақсатында 1951 жылы туған қарт адам түтін басқан аймақтан эвакуацияланды, деп хабарлайды Altaynews.kz сайты.
- Өрт үшінші қабатта орналасқан пәтерден шыққан. Оқиға орнына құтқарушылар келгенше үй ішіндегі жиһаз бен жеке заттар жанып кеткен. Өрттің басты себебі анықталып жатыр. Қызыл жалынды ауыздықтау үшін жеке құрамның 12 адамы және 3 техника жұмылдырылды, - дейді ШҚО ТЖД баспасөз қызметі.
ШҚО ТЖД мамандары азаматтардан өрт қауіпсіздігі ережелерін қатаң сақтауды сұрайды:
- Кез-келген электр құрылғысын қолданар алдында нұсқаулықты мұқият оқып шығыңыз;
- Розеткаларды, сымдарды үнемі тексеріп отырыңыз;
- Пәтерлер ішінде темекі шегуге болмайды;
Өрт кезінде 101 немесе 112 нөмірлері бойынша хабарлау қажет.
Оқи отырыңыз
