Риддер қаласындағы Станция көшесінде бірінші қабатта орналасқан пәтерден өрт шықты.

Оқиға орнына жедел жеткен өрт сөндірушілер 10 шаршы метр аумақты алып жатқан өртті сөндірді, деп хабарлайды Altaynews.kz тілшісі.

Өрт кезінде 4 адам өз беттерінше қауіпті аймақтан шығып үлгерген. Жеке заттар мен жиһаздар жанып кеткен.

- Өртті сөндіруге барлығы  жеке құрамнан 7 адам мен 3 өрт сөндіру көлігі жұмылдырылды. Қараусыз қалған жылытқыш өрттің шығуына себеп болған. ШҚО Төтенше жағдайлар департаменті азаматтарды өрт қауіпсіздігі ережелерін сақтауды сұрайды. Үйден шыққан кезде электр құрылғыларын  қосулы қалдырмаңыз, - дейді ШҚО ТЖД баспасөз қызметі.