Риддерде тұрғын үйден өрт шығып, 8 адам эвакуацияланды
Фото: ШҚО ПД баспасөз қызметі
Риддер қаласындағы бес қабатты тұрғын үйлердің бірінен өрт шығып, 8 адам эвакуацияланды, оның ішінде 1 бала бар.
Өрт үйде темекі шегудің салдарынан шыққан, деп хабарлайды Altaynews тілшісі.
Оқиға орнына бірден жеке құрамның 10 адамы және өрт сөндіру қызметінің 3 техникасы жіберілген.
- Құтқарушылар бірден 8 адамды эвакуациялады. Сондай-ақ жанып жатқан пәтерден 1987 жылы туған ер адам табылды. Ақ халаттыларға тапсырылған үй иесі медициналық көмектен бас тартыпты, - дейді ШҚО ПД баспасөз қызметі.
Пәтердегі жиһаз, тұрмыстық техника мен төбесі жанып кеткен.
Өрт қауіпсіздігі талаптарын бұзғаны және орындамағаны үшін, ер адам ҚР ӘҚтК-ның 410-бабы бойынша әкімшілік жауапкершілікке тартылады.
Оқи отырыңыз
