Өскеменде «Ұлттық киім» күніне орай көптеген іс-шаралар легі өтті. Солардың бірін Оралхан Бөкей атындағы кітапханадан тамашалап қайттық. Онда әртүрлі тақырыпты қамтыған, ұлттық құндылықты насихаттауға арналған «Оюлар сөйлейді» атты фестиваль-жәрмеңке өтті.

Фестиваль-жәрмеңкеде көз қуантар дүние көп болды. Ұлттық киімдер, ұлттық нақыштағы ыдыс-аяқтар, оюлы сырмақтар, шапандар мен тақиялар бәрі-бәрін фестиваль-жәрмеңкеге қатысқан жұрт қызыға тамашалап, ұнатқанын сатып алып жатты, деп хабарлайды Altainews.kz тілшісі. 

«Оюлар сөйлейді» атты фестиваль-жәрмеңке бірнеше тақырып бойынша көпшіліктің назарына ұсынылды. Шараға жиналған жұрт әсіресе «Ұлттық шапандар дефилесін» қызыға тамашалады. 

Фестиваль-жәрмеңке «Қолөнер шеберлері», «Ұлттық шапандар дефилесі», «Ұлттық ыдыс-аяқтар», «Сырмақтар сыры», «3D-технологияда – ұлттық  киімдер үлгісі» атты тақырыптар бойынша көпшілік қауым назарына ұсынылды. 

 Фото: Аяужан Утеулинова