Полиция департаментінің қызметкерлері жол учаскелерінің иелері мен мердігер ұйымдардың өкілдерімен бірлесіп, жолдардың жағдайын тұрақты түрде тексеріп, олардың нормативтік талаптарға сәйкестігін бағалауда, деп хабарлайды Altainews.kz  тілшісі.
Жыл басынан бері 878 тексеру жүргізіліп, нәтижесінде көптеген заң бұзушылықтар анықталды. Жол-коммуналдық қызметтері мен ұйымдарының жауапты тұлғаларына қатысты жолдарды тиісінше күтімде ұстамағаны және ақауларды жою шараларын қабылдамағаны үшін 74 әкімшілік хаттама толтырылды. Сонымен қатар, анықталған кемшіліктерді жою бойынша 905 нұсқама берілді.
Жол жағдайын жақсарту жұмыстары жалғасуда, ал жол жамылғысының жай-күйін бақылау полицияның басым бағыттарының бірі болып қала береді.