Қазақстанда ұялы байланыс пен интернет қызметтерінің тарифтері тағы да өседі. Байланыс операторларының хабарлауынша, 21 сәуірден бастап қызмет құны шамамен 200 теңгеден 3000 теңгеге дейін қымбаттамақ, деп хабарлайды Altainews.kz  тілшісі.

Компаниялар бағаның өсуін желілерді жаңғыртуға, оларды күтіп ұстауға және жөндеуге кететін шығындардың артуымен байланыстырады. Сонымен қатар, инфляция және басқа да сыртқы факторлар да тарифтердің қымбаттауына әсер етіп отыр.

Жекелеген операторлар бойынша өзгерістер:

• Kcell мен Activ тарифтері 300-700 теңге аралығында көтеріледі. Бұл өзгеріс кейбір мұрағатталған тарифтік жоспарларға да ықпал етеді.
• Beeline бағаны ақпан айында-ақ өсірген, тарифтері 200-2400 теңге аралығында қымбаттаған.
• Altel мен Tele2 тарифтерінің құны 1000-3000 теңгеге артты.