Өскемендегі жолдарда 600-ден астам шұңқыр бітелді
автордікі
Өскемен қаласында "100 күнде 10 000 шұңқыр" жол шұңқырларын жөндеу бағдарламасы жалғасуда.
Қала тұрғындарынан осы уақытқа дейін барлығы 352 өтінім түскен, деп хабарлайды Altainews.kz тілшісі.
Қазіргі таңда жол шұңқырларын жөндеуге 352 өтінім түсіп, 151 өтінім бойынша жұмыстар жүргізіліп жатыр. 159 (635 шұңқыр) өтінім бойынша жұмыстар аяталды, - деп хабарлады Өскемен қаласының әкімдігі.
Естеріңізге сала кетейік, Өскемен қаласының кез келген тұрғыны ауласындағы жолдардың шұңқырларын бітеп беру үшін қалалық әкімдікке хабарлай алады. Ол үшін Telegram-бот (oskemen_bot) арқылы өтініш білдіру керек.
Өтінім беру үшін: аты-жөніңізді, кері байланыс телефонын дұрыс көрсету, учаскенің орналасқан жерін бөлісу, фотосуретті тіркеу (дүкенге, аялдамаға немесе тұрғын үйге, әкімшілік ғимаратқа байланыстыру) қажет.
Оқи отырыңыз
