Биылғы І тоқсанда Қазақстан халқының жан басына шаққандағы номиналды табысы 10,7% өскен. Бірақ жылдық мәндегі инфляция мен азық-түлік бағасының, қызметтер ақысының артуына байланысты табыстың өсімін қымбатшылық еселеп жұтып жатыр. Соның салдарынан халықтың шынайы табысы былтырғы І тоқсанмен салыстырғанда 5,2% төмендеп кеткен.

Бұл туралы Ұлттық экономика министрлігінің 2023 жылдың І тоқсанындағы әлеуметтік-экономикалық даму қорытындысында айтылған, деп хабарлайды Altaynews Қазақпарат агенттігіне сілтеме жасап.

Сәйкесінше, орташа айлық жалақы 2023 жылғы сәуірде 347,6 мың теңге болып, 2022 жылғы сәйкес кезеңмен салыстырғанда номиналды мәнде 15,2% артып, нақты мәнде 1,4% төмендеген. Ал жұмыссыздық деңгейі 2023 жылғы I тоқсанда 4,8% болып отыр.