Қоғамдық тамақтану орындарына қатысты шағымдар артып келеді
Фото: egemen.kz
Елімізде тұтынушылардың шағымы жыл сайын 30 пайызға артып келеді.
Бұл туралы Мәжілістің Экономикалық реформа және өңірлік даму комитетінің отырысында Сауда және интеграция вице-министрі Қайрат Балықбаев айтты, деп хабарлайды Altaynews Қазақпарат агенттігіне сілтеме жасап.
Бұл экономиканың жекелеген салаларында тұтынушы құқығын қорғау саласындағы жүйелі проблемаларды көрсетеді, – деді ол «Тұтынушылардың құқықтарын қорғау туралы» заң жобасының және оған ілеспе заң жобасының таныстырылымы барысында.
Халықтан түсетін шағымның дені келесі салаларға қатысты:
бөлшек сауда – 48 пайыз;
тұрмыстық қызметтер – 19 пайыз;
электронды сауда – 9 пайыз.
Шағымдар саны артып келе жатқан салалар:
- қоғамдық тамақтандыру объектілерінде қызмет көрсетуде – 2,8 есе;
- көлік және байланыс қызметтерінде – 2,5 есе;
- медицина қызметінде – 2 есе.
Алайда, вице-министрдің айтуынша, бұл фактілер тұтынушылар құқығын қорғау саласындағы істердің нақты жай-күйін көрсетпейді. Себебі кейбір тұтынушылар бұзылған құқықтарды қорғау үшін мемлекеттік органдар мен тұтынушылардың қоғамдық бірлестіктеріне жүгінбейді.
