Астанада 11 жасар оқушының ауыз қуысында түк өсе бастады. Анасы Ақмарал Шалабаева дереу дәрігерлерге жүгінген, алайда мамандардың өзі ерекше ауруға аң-таң болып отыр, деп хабарлайды Altainews.kz тілшісі Kazinform агенттігіне сілтеме жасап.

Ақмаралдың айтуынша, бұрын қызды еш ауру мазаламаған. Тіпті наурыздың басында қыз тіс дәрігеріне барған, емдеу кезінде ешқандай ауытқу болмаған.

Олар дереу жедел жәрдем шақырып, №2 қалалық ауруханаға барған.

Астана қаласының Денсаулық сақтау басқармасы пациентті оториноларинголог, эндокринолог, басқа да бейінді мамандар тексергенін атап өтті.

Елордалық дәрігерлер мұндай құбылыстың себептерін түсіндіре алмай отыр. Дегенмен анасы мұны баланың жеке ерекшеліктерімен байланыстыруда.

Алдағы уақытта қызға компьютерлік және магнитті-резонанстық томография жасалады, содан кейін дәрігерлер келесі емдеу жолын бекітеді.