«Семей орманы» филиалының директоры ұсталды
Фото: depositphotos.com
Орманды заңсыз отады деген күдікпен полицияға 20-дан астам адам жеткізілген, деп хабарлайды Altainews.kz тілшісі Baq.kz сайтына сілтеме жасап.
Өткен жылдың жазында болған ауқымды өртке байланысты Мемлекет басшысы құқық қорғау органдарына орманды заңсыз кесуге және ағаштарды ұрлауға қарсы күрес шараларын күшейтуді тапсырды.
ІІМ аталған тапсырманы орындау аясында осы саладағы қылмыстық схемаларды анықтау және жолын кесу бойынша жүйелі жұмыс жүргізіп келеді.
– 9 шілдеде Абай облысының аумағында ІІМ және ҰҚК жедел уәкілдері прокуратураның үйлестіруімен «Семей орманы» мемлекеттік орман табиғи резерваты филиалдарының бірінің директорының басшылығымен әрекет еткен қылмыстық топтың қызметіне тосқауыл қойды. Орманды жымқырды деген күдікпен полицияға 20-дан астам адам жеткізілді. Тінту жүргізіліп, ұрланған ағаштардың ондаған текше метрі, ағаш өңдеу станоктары, ақша және құжаттар тәркіленді. Филиал директоры мен қылмысқа қатысушылар уақытша ұстау изоляторына қамалды, – деді ІІМ ұйымдасқан қылмысқа қарсы күрес департаментінің өкілі Қуандық Алпыс.
Сондай-ақ күдіктілердің лауазымдық өкілеттікті асыра пайдалану, пара алу, мүлікті жымқыру фактілеріне қатысы бар-жоғы тексеріледі. Қазіргі уақытта тергеу жалғасып жатыр.
Оқи отырыңыз
“Ертіс орманындағы” ағаштарды заңсыз кесу ісі: сотқа дейінгі тергеу жүргізіліп жатыр"Ертіс орманы" басшысы күдікке ілінді: Антикор іске қатысты дәлелдерді жарияладыШҚО-да орманды заңсыз кесудің 101 фактісі анықталды"Семей орманы" резерватының лауазымды тұлғалары парамен ұсталды – тергеу жүріп жатырАғаш кесіп әкету туралы жалған ақпарат тараған – Семей
