Президенттің «Таза Қазақстан» бастамасы: ауқымды экологиялық жұмысқа миллиондаған азамат қосылды
Президенттің «Таза Қазақстан» бастамасына 2 млн-ға жуық адам қатысты, оның 156 мыңы – еріктілер. Үкімет отырысында экология және табиғи ресурстар министрі Ерлан Нысанбаев еліміздегі экологиялық жағдайды жақсартуға халықтың айтарлықтай үлес қосқанын атап өтті, деп хабарлайды Altainews.kz тілшісі Үкіметке сілтеме жасап.
Оның айтуынша, бұл ауқымды экологиялық бастама азаматтардың табиғатқа деген құрметін қалыптастыруға және экологиялық мәселелерді шешуге белсенді қатысуға бағытталған. Оның аясында 573 іс-шара өткізілді, 189 мың тоннаға жуық қалдықтар жиналды, шамамен 735 мың гектар аумақ тазартылды және 2 млн-нан астам ағаш отырғызылды.
- «Таза Қазақстан» экологиялық мәдениетін дамыту тұжырымдамасы азаматтардың табиғатқа деген құрметін қалыптастыруға, қоршаған ортаны қорғаудың маңыздылығын түсінуге және экологиялық проблемаларды шешуге белсенді қатысуға бағытталған. Бұл бастама халықты біріктіріп қана қоймай, жалпыұлттық ауқымдағы іске айнала отырып, патриоттық рухты нығайтты, — деп атап өтті министр.
Оқи отырыңыз
"Таза Қазақстан" марафоны: елімізде экологиялық апталық басталды«Таза Қазақстан»: жыл басынан бері ШҚО-да 55 мыңнан астам көшет егілді"Таза Қазақстан": 2024 жылы республикада 1,6 миллион ағаш отырғызылды«Таза Қазақстан»: экологиялық мәдениетті дамытуға бағытталған қадамдарҮкімет Аппараты «Таза Қазақстан»экологиялық бастамасы аясында сенбілікке қатысты
