– Аймақта екі өрт ошағы тіркелді. Арнайы су төгетін құрылғысы бар тікұшақ ауаға көтеріліп, өрттің таралуына жол бермеу үшін барлық техника мен күштер жұмылдырылды. Өрт сөндіру қимылдарының үйлесімді жұмыстарының арқасында Батыс Алтай мемлекеттік табиғи қорығының аумағында сағат 6.45-те, ал "Катонқарағай ұлттық табиғи паркі" РММ Ақсу филиалының аумағында сағат 14.00-де өрт оқшауланды. Бүгін мен Риддер мен Черемшанка орман шаруашылығы қызметкерлерімен кездестім. Өкінішке қарай, материалдық-техникалық қамтамасыз ету мәселесі уақтылы шешімді қажет етеді. Орманшыларда өрт сөндіруге арналған жабдықтар, байланыс құралдары және өрт ошақтарын анықтауға арналған жабдықтар жоқ. Арнайы диалог кезінде орман шаруашылығы мамандарының барлық ұсыныстары назарға алынды. Ғалымдардың қатысуымен біз оны жүйелеп, Үкіметке таныстырамыз. Шығыс Қазақстанда еліміздің орман ресурстарының жартысынан астамы шоғырланған, сондықтан бүгінде орман шаруашылығын, бірінші кезекте, орман өрттерін анықтау және алдын алу, браконьерлермен және заңсыз ағаш кесумен күресу жұмыстарына арналған жабдықтармен қамтамасыз ету қажет. Ең бастысы, орман шаруашылықтары мен ауыл тұрғындарын өрттен қорғау үшін барлық шаралар қолға алынуы шарт. Ең бастысы, орманшы мамандығының беделін көтеру керек! – дейді облыс әкімі.