ШҚО ТЖД республикалық және облыстық бұқаралық ақпарат құралдарының өкілдерін кәсіби мереке қарсаңында арнайы құттықтап, шара ұйымдастырды.

Журналистер шара барысында құтқарушы-сүңгуір мамандығының жай-жапсарын біліп, суға сүңгіді, деп хабарлайды Altaynews тілшісі.

ШҚО ТЖД осындай шаралар су астында жұмыс істеудің қиындығы мен ерекшелігін танытуға мүмкіндік беретінін айтты.

БАҚ қызметкерлерін құттықтау кезінде ТЖД бастығының орынбасары Арман Тоқанов журналист мамандығы қауіптің алдын алуда әрқашан ерекше рөль атқаратынын, ал төтенше жағдайлар кезінде оқиғаға баға берудің жеделдігі мен бейтараптығы БАҚ-қа байланысты екенін, журналистер өрт сөндірушілердің, құтқарушылардың имиджін де қалыптастыратынын атап өтті.