ШҚО ПД-де әңгімелесуден және конкурстық іріктеуден сәтті өткен 26 кандидатты 1 тамызда ПД бастығының бұйрығы бойынша қызметке тағайындау өтті.

Олар кіші және орта басшы құрамдағы бос лауазымдар бойынша тағылымдамадан өтуші болып тағайындалды, деп хабарлайды Altaynews тілшісі.

Полиция генерал-майоры Ерлан Омарбеков жаңадан келген тағылымдамадан өтушілермен жеке кездесіп, оларға азаматтардың құқықтары мен бостандықтарын қорғауға және қоғамдық тәртіпті сақтауға бағытталған қызметте сәттілік тіледі.

Олар енді келесі кезекте ҚР ІІМ оқу орындарына бастапқы даярлық курстарына жіберіледі.