Самарда көлік жүргізуге болмайтын азаматтардың жүргізуші куәлігін алғаны анықталды – ШҚО
Фото: egemen.kz
ШҚО Самар ауданының прокуратурасы талдау барысында көлік жүргізуге тыйым салынған адамдарға жүргізуші куәлігі берілгенін анықтады.
Ол адамдарға медициналық қарсы көрсетілімі болғандықтан көлік жүргізуге тыйым салынған, деп хабарлайды Altaynews тілшісі.
– Атап айтқанда, дәрігерлік-консультациялық комиссияның биылғы 15 маусымдағы қорытындысына сәйкес, жүргізуші куәлігі бар Ж. Есімді азаматтың автокөлік құралын басқаруға қарсы көрсетілімі болған. Осындай 5 азаматқа қатысты факт анықталды, – деп жазылған ШҚО прокуратурасының хабарламасында.
Прокуратураның дерегіне сүйенсек, полиция қызметкерлері «Жол қозғалысы туралы» Заңның 3-бабы 3-тармағын ескере отырып, прокуратураның қадағалау актісі бойынша сотқа жоғарыда аталған адамдардың көлік құралын басқару құқығын тоқтату туралы талап-арыз түсірді.
Сот аталған мәселені қарап, азаматтардың көлік құралын басқару құқығын тоқтатқан.
Оқи отырыңыз
