«Amanat» партиясы Шығыс Қазақстан облыстық филиалы жанында «Қарызсыз қоғам» жобалық кеңсесі жұмыс істейді.

Келер жылы облыстың барлық қалалары мен аудандарында осындай жобалық кеңселер ашу жоспарланып отыр, деп хабарлайды Altaynews.kz тілшісі. 

Жобалық кеңсе аясында өңір тұрғындарына қаржылық және заңгерлік кеңестер тегін беріледі. Сонымен қатар қаржылық сауаттылықты арттыру бойынша курстан өтуге болады.

Жаңа жылдан бастап облыстың барлық қалалары мен аудандарында осындай жобалық кеңселер ашу жоспарланып отыр. Бұл жұмысқа мәслихат депутаттары, қоғам белсенділері, Мемлекеттік кірістер департаменті, екінші деңгейдегі банктер мен микроқаржы ұйымдарының білікті мамандары да тартылмақ. 

Курсқа жазылу үшін 8-777-271-13-90 байланыс телефонына хабарласуыңызға болады. Мекенжайы: Қасым Қайсенов көшесі, 121.

Айжанат Бақытқызы