"Қазгидромет" мамандарының болжамына сүйенсек, өңірде желтоқсанның екінші жартысында күн райы құбылмалы болмақ. Қар қалың түсіп, боран соғады, аяз күшейеді, деп хабарлайды Altaynews.kz тілшісі. 

Қазір де суық арктикалық ауа массаларының келуіне байланысты ауа температурасы түнде -35°С-қа, күндіз -30°С-қа дейін күрт төмендеді. Өзен-көлде мұз қалыңдап, су деңгейі көтерілді. Соның салдарынан өзендердің саласына сең жиналып қалуы мүмін. Мұндай жағдайдың алдын алу үшін жергілікті атқарушы органдар облыстық төтенше жағдайлар департаментінің мамандарымен бірлесіп әрекетке көшті.

Мәселен бүгін Глубокое ауданындағы Таулы Үлбі кентінде мың шаршы метр аумақта сең бұзылды.