Өмірін жолаушылар тасымалына арнаған азаматшалардың еңбегі зор.

Бүгінгі таңда облыстың көптеген көлік кәсіпорындарында да әйелдер жолаушы тасымалдау процесін шебер басқарып отыр, деп хабарлайды Altainews.kz тілшісі.

Ларионова Елена Васильевна өз мансабын теміржол саласында Защита станциясының қатардағы қызметкерінен бастаған. Қазір «ҚТЖ «ҰК» АҚ «Семей магистральдық желінің бөлімшесі» филиалының «Өскемен-1» теміржол вокзалының бастығы болып табылады.

Мокина Наталья Борисовна 2002 жылдан бастап қазіргі уақытқа дейін азаматтық авиация саласында жұмыс істейді. Еңбек жолын Өскемен қаласы әуежайының әуетасымалдарға қызмет көрсету агенті болып бастаған. Қазіргі уақытта «Өскемен әуежайы» АҚ жолаушыларға қызмет көрсетуді ұйымдастыру қызметінің бастығы.

Егорова Ирина Владимировна 30 жылдан астам уақыт автомобиль көлігі саласында жұмыс істейді. Еңбек жолы басталған сәттен бастап «ADAL» «Өскемен автовокзалы» ЖШС бақылаушы міндеттін атқарады.