Бүгін таңға жуық Шемонаиха ауылында монша мен шаруашылық нысаны өртенді, деп хабарлайды Altainews.kz тілшісі.

ШҚО ТЖД ақпаратына сүйенсек, 24 наурызда түнгі сағат үштер шамасында Шемонаиха ауылындағы Шаңырақ көшесі бойындағы тұрғын үйдің ауласында монша мен шаруашылық ғимараты өртенді. 

Оқиға орнына жеткен өрт сөндірушілер 80 ш.м. ауданды шарпыған өртті сөндірді. Өртті сөндіруге барлығы 7 өрт сөндіруші мен 2 техника жұмылдырылды. Зардап шеккендер жоқ.

Өрттің алдын ала себебі - пешті орнату мен пайдалану кезінде өрт қауіпсіздігі ережелерін сақтамау болды.