Банк шоты мен карта нөмірін тіпті полицияға да беруге болмайды
pexels.com
Соңғы уақытта азаматтарға полиция қызметкері болып хабарласатын алаяқтар шыққан.
ШҚО ПД халыққа алаяқтардың арбауына түспеуді ескертеді, деп хабарлайды Altainews.kz тілшісі.
- Соңғы уақытта танымал мессенджерлер арасында мемлекеттік және құқық қорғау органдарының жауапты тұлғаларының атынан жалған ақпарат таратылуда, онда азаматтардан банк шоттары мен карта нөмірлері туралы ақпарат беру талап етіледі, - деп ескертті ШҚО ПД.
Полиция департаменті бұл әрекеттер заңсыз және жалған ақпарат деп хабарлайды. Қазіргі уақытта құқық бұзушыларды анықтау жұмыстары жүргізілуде.
- Сіздерден жалған ақпаратқа сенбей, қырағы болуды сұраймыз. Жеке деректерді ешкімге бермеңіз. Қолма-қол ақшаны шоттарға аудармаңыз, - деді тәртіп сақшылары.
Оқи отырыңыз
