ҚР ТЖМ «Сейсмологиялык зерттеу институты» ЖШС сейсмикалық станциялар желісі 24 сәуірде Алматы уақытымен cағат 11:19-да жер сілкінісін тіркеді, деп хабарлайды Altainews.kz тілшісі Kazinform агенттігіне сілтеме жасап.

Жер сілкінісінің эпицентрі Алматы қаласынан солтүстік-шығысқа қарай 760 км жерде, Қазақстан аумағында орналасқан. Магнитудасы – 4.4. Тереңдігі – 5 шақырым.

Эпицентрге жақын орналасқан Зайсан ауданының Тасбастау ауылында 2 балл болып сезілген.

Зардап шеккендер жоқ. Құрылыстар қирамаған.