Биыл Тарбағатай ауданының екі ауылында спорт алаңы ашылды, деп хабарлайды Altainews.kz сайты.

Тарбағатай ауданы әкімдігінің ақпаратына сүйенсек, Тұғыл ауылында  аудандық бюджеттен 7 млн 616 мың тг қаражат бөлініп, шағын футбол алаңы салынып, пайдалануға берілді.

Сонымен қатар, Тұғыл ауылдық округіне қарасты Байтоғас ауылына  да  аудандық бюджеттен 3 млн теңге қаражат бөлініп, спорттық “Street Workout” алаңы салынды.

Қазіргі уақытта Тарбағатай ауданының көп ауылдарында осындай заманауи балалар ойын алаңдары салынуда. Бұл жұмыстар алдағы жылдары да жалғасын табатын болады.