ШҚО көпсалалы онкология және хирургия орталығында бас және мойын ісіктерін ерте диагностикалау және алдын алу бойынша дәрігерлер тегін қабылдау жүргізді, деп деп хабарлайды Altainews.kz тілшісі.

Бұл күні орталыққа 68 адам келді. Шығыс Қазақстан облысының тұрғындары МӘМС жүйесіндегі мәртебесіне қарамастан орталықтың жетекші мамандарынан кеңес алды.

Бас және мойын қатерлі ісігі - бұл әртүрлі аймақтарда дами алатын қатерлі ісіктер тобы: ауыз қуысы, жұтқыншақ, көмей, мұрын, параназальды синус, қалқанша без, бас және мойын терісі.

ШҚО КОжХО-ның бас және мойын ісіктерінің хирург-онкологы, жоғары санатты дәрігер Жандос Мағзұмовтың айтуынша, мұндай ісіктердің жаңа жағдайлары жиі кездеседі, бірақ қарапайым ережелерді сақтай отырып, олардың ушығу қаупін едәуір азайтуға болады.

Әдетте Ашық есік күндері халыққа ыңғайлы болуы үшін демалыс күндері ұйымдастырылады. Онколог дәрігерлер тек тексеріп қана қоймай, дерттің алдын алу жолдарын да түсіндіреді.