– Бұл – халқымызбен бірге көнеден жасап келе жатқан төл өнеріміз. Сондықтан оны сақтауға әрі дәріптеуге айрықша көңіл бөлуіміз керек. Болашақта «Шығыс Салбурыны» тек құсбегілерге ғана емес, барлығымызға ортақ тойға айналуға тиіс. Фестиваль аясындағы бүркітшілер сайысын төрт мыңнан астам адам барып тамашалайды деп жоспарлануда. Алдағы жылдары фестиваль ауқымын кеңейтіп, туристер санын еселеп арттыруға күш салуымыз қажет. Ертеңгі бәсекені біз де барып көрейік. Бала-шағамызды да ерте барайық. Себебі, бұл – біздің өңір үшін күнде бола бермейтін ерекше іс-шара, – деген облыс әкімі бұл іске үн қосып, барынша атсалысып жатқан барлық аудан-қала халқына алғысын айтты.