Катонқарағай ауданында халықты көмірмен қамтамасыз ету жұмыстары тиісті деңгейде атқарылуда. Аудан тұрғындары жеке тұрғын үйлер үшін бес мың тонна көмір сатып алды, бұл маусымдық жылытуға жеткілікті, деп хабарлайды  Altainews.kz тілшісі.

Биыл Катонқарағай ауылында орталық қазандық  жаңартылды. Орталықтандырылған жылыту жүйесіне отыз жеке үй, төрт әлеуметтік нысан, екі мемлекеттік мекеме және он алты жеке кәсіпкерлік нысан (дүкендер) қосылған. Орталық аудандық аурухананың жеке қазандығы бар, қалған денсаулық сақтау нысандары  тоқпен жылытылады. Қазандықтар штаттық режимде жұмыс істеп тұр.

Аудан тұрғындары қажетті бес мың тонна қара отынмен толық қамтылды. Алтай қаласындағы «Зырян ТЭК» ЖШС тұйығындағы бір тонна көмірдің бағасы 16 550 теңге.

Айна Ескенқызы