23 қаңтарда Шығыс Қазақстан облысында қар, бұрқасын, көктайғақ күтіледі. «Қазгидромет» ШҚ филиалы мәліметінше, түнде облыстың шығыс бөлігінде қатты қар жауады. Оңтүстік-батыстан соғатын жел солтүстік-батысқа ауысып, облыстың батысында, солтүстігінде және шығысында желдің жылдамдығы 15-20 м/с, ал түнде екпіні 23-28 м/с-қа дейін жетеді,- деп хабарлайды Altainews.kz тілшісі.

Өскемен қаласында да қар, бұрқасын және көктайғақ күтіледі. Желдің жылдамдығы түнде 15-20 м/с-қа дейін күшеюі мүмкін.

ШҚО ТЖД тұрғындарға елді мекендерден тыс сапарларды кейінге қалдыруға кеңес береді. Жел мен көктайғақтан қорғану үшін келесі қауіпсіздік шараларын сақтау ұсынылады:

• Желден ғимарат ішіне тығылыңыз;
• Үзілген сымдар мен құлаған заттарға жақындамаңыз;
• Көшеде үй қабырғаларының, жарнама тақталардың және ағаштардың астында тұрмаңыз.

ШҚО ТЖД