«ОблШығысЖол» ЖШС мәліметінше, 2025 жылғы 24 қаңтарда сағат 14:00-ден бастап Өскемен-Тарғын-Самар автожолының 63-145 шақырымдары аралығында (Тарғын ауылынан Самар ауылына кіреберіске дейін) көліктердің қозғалысына рұқсат берілді.  

Алайда, қысқы кезеңде жүк көліктері мен кез келген типтегі тіркемесі немесе жартылай тіркемесі бар тракторлардың қозғалысына тыйым салынған.  

Жол қозғалысына енгізілген бұл шектеулер көлік құралдарының қауіпсіздігін қамтамасыз ету және апаттық жағдайлардың алдын алу мақсатында қабылданды. Жүргізушілерден жолда сақтық таныту және белгіленген ережелерді қатаң сақтау сұралады.