2024 жылы Өңірлік жұмыспен қамту картасы аясында 32 103 жұмыс орнын құру жоспарланған болатын. Оның 23 671-і тұрақты, ал 8 432-сі уақытша жұмыс орны ретінде қарастырылған. Алайда іс жүзінде 32 435 жаңа жұмыс орны ашылып, оның 21 437-сі тұрақты, 10 998-і уақытша болды. Бұл жоспардың 101%-ға орындалғанын көрсетеді.

Бұл туралы ШҚО әкімдігіндегі отырыста ШҚО Жұмыспен қамту және әлеуметтік бағдарламаларды үйлестіру басқармасының басшысы Альмира Мусинова мәлімдеді, деп хабарлайды Altainews.kz тілшісі.

Өткен жылы тұрақты жұмыс орындарын құру жоспары 75%-ға орындалып, жұмыс істеп тұрған кәсіпорындарда 12 063 тұрақты жұмыс орны ашылған болатын. Ал субсидияланатын жұмыс орындары бойынша 9 436 адам еңбекпен қамтылып, жоспар 139%-ға асыра орындалды.

Фото: Махаббат Ахметжанова