Ұлан ауданына қарасты «Таврия» орта мектебінің оқушылары мерзімді әскери қызметшілерге хат жолдауда. Бұл игі бастама оқушылар мен сарбаздар арасындағы қарым-қатынасты нығайта түспек. Күні ертең Отан алдындағы борышын өтеуге ниетті білім алушылар үшін әскердегі өмір қызығушылық тудырады. Осыған орай бір топ мектеп оқушысы Ұлттық ұланның «Шығыс» өңірлік қолбасшылығына қарасты 5518 әскери бөлімінің сарбаздарына хат жазды, деп хабарлайды Altainews.kz тілшісі.

Мектеп оқушыларынан келіп түскен толассыз хаттарға мерзімді әскери қызметшілер шынайы әрі жан-жақты жауап беруге тырысты. «Шығыс» өңірлік қолбасшылығы қолбасшысының кеңесшісі, ардагерлер кеңесінің төрағасы, отставкадағы полковник Айдар Оразбаевтың айтуынша, бұл бастама – отансүйгіш жас буын тәрбиелеуде маңызды қадам.

«Шығыс» өңірлік қолбасшылығының баспасөз қызметі