Зайсан ауданында қамыс пен құрғақ шөптің жануымен күрес жалғасып жатыр. Оқиға орнында 200-ден астам адам жұмыс істеуде, олардың ішінде 100 ерікті және 100 жергілікті атқарушы органдардың қызметкерлері бар, деп хабарлайды Altaіnews.kz тілшісі.

Өртті сөндіруге әртүрлі қызметтер мен ұйымдар жұмылдырылған. Қалалық және ауылдық округтердің қызметкерлері де өрт сөндірушілерге қолдау көрсетіп жатыр. Жұмысқа қажетті техника тартылған: УАЗ, Нива, Газель көліктері және әуеден сөндіру үшін екі тікұшақ пайдаланылуда.

ШҚО әкімі Нұрымбет Сақтағановтың тапсырмасымен оқиға орнына әкім орынбасары Бақытжан Байахметов барды. Ол жағдайды жеке бақылауда ұстап, өртті жою шараларын үйлестірмек.

Қазіргі уақытта жедел топ құрамында өрт сөндірушілер, коммуналдық қызметкерлер және табиғат апатының салдарын жоюға көмектесуге дайын жергілікті тұрғындар бар. Зайсан ауданы мен жақын маңдағы елді мекендерден арнайы топтар өрт сөндіру және құтқару жұмыстарына белсенді қатысуда.

Күшті жел салдарынан өрттің одан әрі таралу қаупі бар. Билік жағдайды бақылауда ұстап отыр. Тұрғындарға сақтық шараларын ұстанып, өрт ошағы болуы мүмкін аумақтарға бармау ұсынылады.