Қазақстандағы ірі өндіріс орындарының бірі – Өскемен титан-магний комбинаты 60 жылдығын атап өтті. Салтанатты шара барысында кәсіпорын ұжымын Мемлекет басшысы Қасым-Жомарт Тоқаевтың атынан Премьер-министрдің орынбасары Ермек Көшербаев құттықтады, деп хабарлайды Altainews.kz тілшісі.

Президент комбинат жетістігінің артында өз ісіне адал, білікті мамандар мен жұмысшылардың маңдай тері тұрғанын ерекше атап өтті.

Жиын барысында Ермек Көшербаев та кәсіпорын ұжымына жылы лебізін білдіріп, комбинаттың еліміз экономикасына қосқан үлесін жоғары бағалады.

Мерекелік шара «ӨТМК» АҚ-ның мәдениет үйінде өтті. Комбинаттың үздік қызметкерлері түрлі марапаттарға ие болды.

Ол сондай-ақ мерейтой қарсаңында комбинаттың Үндістанда жаңа өндірісін іске қосқанын атап өтті. Бұл оқиға Қазақстанда әзірленген технологиялардың жоғары сапасын, еліміздің экономикасының бәсекеге қабілеттілігін және халықаралық әріптестікке ашықтығын дәлелдейді.

Мемлекет басшысының атынан «ӨТМК» АҚ президенті Әсем Мамутова I дәрежелі «Барыс» орденімен марапатталды.

Мыңдаған адамды жұмыспен қамтып, инфрақұрылымның дамуына үлес қосып отыр.

Облыс әкімі комбинат жетістігінің басты сыры – онда еңбек ететін кәсіби мамандардың еңбегі екенін баса айтты.

Салтанатты бөлім соңында сахнаға кәсіпорынның шетелдік серіктестері көтеріліп, комбинат ұжымын мерейтоймен құттықтап, алғыстарын білдірді.

Елизавета Седых

Фото: Махаббат Ахметжанова

Видео: Жәнібек Ырысбай