«Жұлдызай – 2025»: ШҚО спортшылары Ұлттық инклюзивті ойындардың іріктеу кезеңіне қатысты
«Жұлдызай – 2025» ұлттық инклюзивті ойындарының аймақтық іріктеу кезеңі Шығыс Қазақстан облысында өтті. Оған өңірдің 60 ерекше спортшысы қатысты, деп хабарлайды Аltainews.kz тілшісі.
Жарысқа Өскемен, Риддер қалаларынан, Самар, Алтай, Ұлан және Зайсан аудандарынан жас спортшылар қатысты.
– Бұл – «Жұлдызай» ойындарының екінші өткізілуі. Іріктеу кезеңіне 60 спортшы қатысып отыр, – деді ШҚО дене шынықтыру және спорт басқармасының спорт клубы әдіскері Мейірбек Елемесов.
Ұлттық инклюзивті ойындар 9 спорт түрі бойынша өтеді. Алайда шығысқазақстандық спортшылар оның жетеуіне қатысады. Олар – тоғызқұмалақ, асық ату, жеңіл атлетика, үстел теннисі, футзал, бочча.
Ерекше спортшыларға арналған жарыстың ұйымдастырушылары – ШҚО спорт басқармасы және мүмкіндігі шектеулі жандарға арналған спорт клубы.
– Біздің балалар мұндай жарыстарға алғаш рет қатысып отырған жоқ. Бүгінгі таңда біз іріктеуге ең мықты спортшыларымызды алып келдік. Жоғары нәтижеге үміт артамыз. Дайындық өте қарқынды болды. Риддерлік балалар бірнеше рет жүлдегер атанып, мектебімізге медаль әкелген, жеңімпаз болған жағдайлар көп, – деді Риддер қаласындағы №7 түзету мектебінің дене шынықтыру пәні мұғалімі Сергей Сулейменов.
Іріктеу нәтижелері ертең белгілі болады.
Дмитрий Чжан
Фото: Александр Шушеньков
Видео: Жалғас Сақадиев
Оқи отырыңыз
ШҚО-да Париж олимпиадасына 8 спорт түрінен 19 спортшы үміткерПара үстел теннисі мен велоспорт: Өскеменде Спартакиаданың шешуші кезеңі өтудеШҚО-да халықтық спорт ойындары өтедіӨскеменде «SportFEST Kazakhstan-2019» ойындары басталдыШҚО-да ерекше жандар арасындағы VII республикалық спартакиаданың жабылу рәсімі өтті
