ШҚО инвестиция, жасыл энергетика және инновация орталығына айналмақ
26 қыркүйекте Өскеменде «Altai Invest – 2025» халықаралық инвестициялық форумы өтеді. Бұл туралы Шығыс Қазақстан облысының әкімі Нұрымбет Сақтағанов өзінің Facebook парақшасында мәлімдеді, деп хабарлайды Altainews.kz.
Әкімнің айтуынша, аталған форум өңірдің экспорттық әлеуетін арттыруға, халықаралық ынтымақтастықты нығайтуға және жаңа инвестициялық мүмкіндіктерге жол ашуға бағытталған.
– Құрметті облыс тұрғындары мен қонақтары! 26 қыркүйекте Шығыс Қазақстан инвестициялардың, тың идеялар мен жаңа мүмкіндіктердің орталығына айналмақ. Бұл шара өңіріміздің дамуына жаңа серпін береді, – деп жазды өңір басшысы.
Форумда жасыл энергетика, туризм, инновациялық технологиялар сынды салаларға басымдық берілмек.
«Altai Invest – 2025» тек Шығыс Қазақстан үшін ғана емес, барша қазақстандықтар үшін маңызды оқиға болып, еліміздің халықаралық беделін арттыра түспек.
Оқи отырыңыз
ШҚО-да «Altay Invest» халықаралық инвестициялық форумы өтедіШығыс Қазақстан ірі инвестициялық форумға дайындалып жатырӨскеменде халықаралық инвестициялық форум «Altai Invest-2025» өтедіӨскеменде Халықаралық инвестициялық форум өтеді «Altai Invest-2025» форумына 100-ден астам шетелдік делегат келеді - ШҚО
