KZ
Өскемен
+25°
пасмурно жел 1 м/с, С
472.62 513.22 5.43

Дәрігеріміз Германиядан білім алып келді

21.06.2024, 16:10 84 Мадина Амангелдіқызы

Шығыс Қазақстан облыстық көпсалалы онкология және хирургия орталығының консультативтік-диагностикалық бөлімшесінің эндоскописті, жоғары санатты дәрігер Нұргүл Өтебаева Герцберг қаласында орналасқан Elbe-Elster Klinikum клиникасында оқудан өтті. Клиниканың эндоскопиялық орталығы Германияда жетекші орын алады. Оқытуды профессор Roland Reinehr басқарды, деп хабарлайды Altainews.kz тілшісі.

Біліктілікті арттыру курсы 180 академиялық сағаттан тұрады. Бір ай бойы Нұргүл Өтебаева эндоскопияны пайдалана отырып, қатерлі ісікті диагностикалау мен емдеудің жаңа әдістерін үйренді. Жақын арада бұл әдістер өзіміздегі онкологиялық орталықта енгізіледі. Мұндағы стационардың 1-3 қабаттарын жаңғырту аясында эндоскопия орталығын ашу жоспарланып отыр, бұл осы бағытты дамыту мен жетілдіру үшін барлық жағдай жасауға мүмкіндік береді. Эндоскопия орталығы ұлттық және халықаралық стандарттарға сай болмақ.

Нұргүл Өтебаеваның айтуынша, неміс мамандары оны жылы шыраймен қарсы алып, жылдар бойы жинақтаған тәжірибелерімен қуана бөліскен екен. Нұргүл Қазақстаннан Elbe-Elster Klinikum базасында оқудан өткен алғашқы дәрігер болды.

– Мен Германияда жүрген кезде еуропалық эндоскопистер қоғамының жыл сайынғы халықаралық конгресі өткеніне өте бақыттымын. Жыл сайын ол Еуропаның әртүрлі қалаларында өткізіледі, биыл Берлинде өтті. Мен осы ауқымды іс-шараға қатысуға тамаша мүмкіндік алдым, оның аясында шеберлік сыныптары, медициналық жабдықтардың көрмелері, тренажерларда көрсетілімдер өткізілді, әріптестеріммен жанды қарым-қатынас болды. Сондай-ақ эндоскопия саласындағы әлемдегі жетекші мамандардың бірі, жапон дәрігері Хироси Кашидамен сөйлесе алдым. Бұл тағылымдама менің үмітімді толығымен ақтады. Дәрігерлер оқу, қанша жылдық тәжірибе болса да, ешқашан тоқтамауға тиіс. Уақытпен бірге жүріп, жаңа білімге ұмтылу керек, – дейді Нұргүл Өтебаева.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив