Қабанбай көшелеріне жарық тартылады – ШҚО
фото: depositphotos.com
Шығыс өңірінде шекаралық аудандар мен шалғай ауылдарға айрықша көңіл бөлінетіні белгілі. Бүгінде облыс көлемінде ауыл тұрмысын түзеу мақсатында келелі істер атқарылып жатыр. Бұған мысал ретінде Қабанбай ауылында қол алынатын жұмыстарды айтуға болады. Көп кешікпей Барқытбел бауырындағы елді мекеннің көшелеріне жарық тартылып, жолдары жөнделеді, деп хабарлайды Altainews.kz тілшісі.
Жуықта Тарбағатай ауданының әкімі Дархан Жөргекбаев пен аудандық маслихаттың төрағасы Өмірхан Әйкенұлы ауылдарды аралап, халықпен жүздескен болатын. Әкімдік берген мәліметтерге сенсек, биыл Қабанбай ауылындағы 7 көшені жарықтандыру үшін бюджеттен 23 миллион теңге бөлінген.
«Конкурстық рәсімдер аяқталып, келісімшарт жасалып жатыр. Бұдан бөлек, ауыл көшелеріне орташа жөндеу жүргізіліп, асфальт төселетін болады. Ауылдың орталығына тұрғындардың бастамасымен еңбек ардагерлерінің есімі жазылған тақта орнаттық», - деп мәлімдеді аудан әкімдігінен.
Балауса Қожаева
Оқи отырыңыз
