KZ
Өскемен
+28°
переменная облачность жел 2 м/с, З
477.03 521.44 5.43

Онкоорталық дәрігерлері кәсіби мерекені ерекше атап өтті – ШҚО

14.06.2024, 17:01 104 Ләззат Қанатқызы

Шығыс Қазақстан облыстық көпсалалы онкология және хирургия орталығы медицина қызметкерлері күнін ерекше форматта атап өтті.

Қазақстанда маусым айының үшінші жексенбісі – Медицина қызметкерлері күні атап өтіледі, деп хабарлайды Altainews.kz тілшісі.

Онкоорталық дәрігерлері жұмыстағы қарбаласқа қарамастан атаулы мерекені ерекше форматта атап өтуді шешіпті. 90 жылдарға саяхаттаған ақ халатты абзал жандар сол заманның әнін айтып, биін биледі. Кейбір бөлім қызметкерлері жұмыс барысынан көріністе дайындапты.

- Бүгін орталықта медицина саласының қызметкерлеріне арналған күн. Ұжыммен көтеріңкі көңіл күйде осы кәсіби мерекені атап өтуге жиналдық. Барлық әріптестеріме денсаулық, жұмыстарына жеміс тілеймін. Сондай-ақ медициналық мекемелердің барлығында науқас жандар аз болсын, мүлде болмасын деген тілегімді арнағым келеді,- деді орталық директоры Гүлмира Сағидуллина.

Дәрігерлердің айтуынша, орталықтағы кез келген мереке дәл осындай жоғары дайындықпен, ерекше өтетін көрінеді.

Шара соңында үздік деп танылған медицина қызметкерлеріне алғыс хат табыс етілді.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив