Облыс орталығында төрт жастағы бала жоғалып кетті. Полиция қызметкерлеріне баланың ата-анасы хабар берді, деп хабарлайды Altaynews тілшісі.

Үй жанындағы бақшада жұмыс істеп жүрген олар аулада ойнап жүрген баладан көз жазып қалған. Оқиға орнына жедел жеткен тәртіп сақшылары жер үйдің аумағын сүзіп шықты. Ертіс полиция бөлімінің кәмелетке толмағандар ісі жөніндегі инспекторлары жарты сағат ішінде баланы тауып, ата-анасына табыстады.