Өскеменде ойнап жүрген 7 жастағы баланы көлік қағып кетті, деп хабарлайды Алтайньюс тілшісі.

Полиция басқармасына хабар кеше сағат 13:00 шамасында жеткен. Оқиға Гагарин бульвары көшесі, 34-үйдің ауласында болған.

Полиция қызметкерлерінің анықтауынша, жүргізуші көлігін тұраққа қоярда 7 жастағы баланы қағып кетіпті. Баланың терісі сыдырылып, соққы тиген жері көгеріп қалыпты.

Әкімшілік кодекстің 610-бабына сай, 30 жастағы жүргізушіге хаттама толтырылды.

Енді баланың сол сәтте үлкендердің қарауында болған, я болмағаны анықталып жатыр.

Бір айта кетерлігі, қазір баланың денсаулығы жақсы.