Риддер қаласындағы Татарская көшесінде жеке тұрғын үйден өрт шықты.

Алдын ала болжамы бойынша от жағу кезінде қауіпсіздік талаптарының сақталмауы мен қасақана өрт қою нұсқалары қарастырылып отыр, деп хабарлайды Altaynews тілшісі.

Оқиға орнына өрт сөндірушілер келгенде жалын ағаш шатыр құрылымдарын шарпып үлгеріпті. Тілсіз жауды ауыздықтауға 3 бірлік техника мен жеке құрамның 10 адамы тартылды. Өрт 40 шаршы метр аумақта толығымен сөндірілген.

ШҚО ТЖД мамандары өрт қауіпсіздігі ережелерін қатаң сақтау керектігін еске салады

- электр құрылғыларын қараусыз қалдырмаңыз;
- от жаққанда абай болыңыз;
- пешті пайдалану кезінде қауіпсіздік талаптарын сақтау керек;
- пеш жағу кезінде күлді, көмірді жанатын құрылыстардан 15 метр қашықтықта орналасқан арнайы бөлінген жерге тастау керек;