ШҚО-да қатты жел соғып, найзағай ойнауы мүмкін
Фото: 66.mchs.gov.ru
25 шілде күні облыстың оңтүстігінде, шығысында найзағай ойнап, кей аймақтарда бұршақ жаууы мүмкін, деп хабарлайды Altainews.kz сайты.
"Қазгидромет" ШҚ филиалының ақпараты бойынша, облыстың солтүстігінде, шығысында, оңтүстігінде екпіні секундына 15-20 метрге жететін жел соғады.
ШҚО ТЖД мамандары облыстың оңтүстігінде өрт қаупі сақталатынын еске салып, сақтық шараларын қатаң сақтауға шақырады.
- Найзағай кезінде электр құрылғыларын өшіріп, ұялы телефонмен сөйлеспеген жөн. Егер көшеде болсаңыз, металл қоршаулардың жанында, ағаштардың аясына, автобус аялдамаларының артына тығылмаңыз. Сондай-ақ табиғатта және жеке учаскелерде от жағуға тыйым салынады, - деді ШҚО ТЖД баспасөз қызметі.
Оқи отырыңыз
