ШҚО-да жоғалған малдар дрон арқылы табылды
Фото: nebraskafarmersunion.org
ШҚО-да малын қараусыз қалдырған ер адамның ақбас тұқымды 27 сиыры жоғалып кетті.
102 жедел арнасына облыстың 48 жастағы тұрғыны жүгінген. Түнде малын қараусыз қалдырған ол таңертең оралғанда оны таппай қалған, деп хабарлайды Altaynews тілшісі.
- Полиция қызметкерлері дереу іздеуге кірісті. Аумақты тексеру үшін арнайы дрон пайдаланылып, бірнеше сағаттың ішінде орман алқаптары, жақын маңдағы шалғындықтар тескерілген. Іздеу шараларына шараларына Ұлттық ұланның атты взводы да қатысты, - дейді ШҚО ПД баспасөз қызметі.
Нәтижесінде тәртіп сақшылары өрістен 8 шақырым жерден жоғалған 23 сиырды тапты, қалған 4 бас сәл кейінірек табылды. Олардың барлығы иесіне қайтарылды. Белгілі болғандай, қоршаудың есігі дұрыс жабылмаған, ал қараусыз қалған мал сыртқа еркін шығып кеткен.
