Төтенше жағдайға байланысты ертеңнен (15 сәуірден) бастап барлық аудан орталығында шектеулер болады. Облыстағы шұғыл штабтың бұл шешімі аудан орталықтарымен қатар Риддер, Курчатов қалаларына да қатысты.

«Аудан орталықтарына бақылау-өткізу бекеттері қойылады. Орталық көшелерінде күндіз-түні күзет болады. Жеке мәшинелердің жүрісі шектеледі», – деп жазылған ресми ақпаратта.

Ал Риддер мен Курчатовта 20 сәуірден бастап полицейлер жүргіншілердің ыстығын өлшейді. Мұндай іс-шара осы аптада облыс орталығы мен Семейде қолға алынғаны белгілі.